Forma litterarum de commissione spiritualis et temporalis administrationis
… ecclesie. Per Stephanum.
Hugo cardinalis … canonico. Inter cetera, que cotidie sollicitant mentem
nostram, id nimirum existit precipuum, ut animarum gubernatio,
maxime quarum cura nobis imminet, salutaribus proficiat incrementis. Ad
quod auctore Domino salubriter adimplendum, cum impresentiarum
nequeamus in urbe comode nostram presentiam exhibere, ad personam
vestram fidedignorum testimonia nostre mentis oculos direxerunt. Propter
quod, de circumspectione vestra plenam in domino fiduciam obtinentes,
curam et amministrationem, tam in spiritualibus, quam in temporalibus
… ecclesie nostre etc., ut ipsi pareant vestris salutaribus monitis et
mandatis etc.
Sociis suis clericis guardarobe regie Stephanus salutem.
Gloria in excelsis Deo, pax in terra benivolis, triumphus Anglis,
Odwardo regi victoria, honor ecclesie, christiane fidei iubilus, confusio
|
|