equitassent versus Papiam, apparuerunt eis viginti et quattuor
milites Mediolanensium; et ceperunt post eos currere. Mediolanenses
vero putantes, quod Laudenses, qui non erant nisi
viginti duo, satis plures essent, terga subito vertunt, ad
nemora fugientes; et Laudensibus eos cum magno clamore
persequentibus de equis se deiciunt, ut in nemore se occultent,
et ab oculis Laudensium, qui adhuc longe distabant, penitus
disparuerunt. Laudenses vero ad nemus pervenientes de equis
descendunt et Mediolanenses per frondes querunt. Postremo
quoque novem de equis ipsorum inveniunt et quattuor
Mediolanenses captos in carcerem Laude duxerunt, videlicet
Flamengum de Erminulfis et Sicardumd de Concorezo et
Ottonem Faroldum et ... de Mulinaro.
In sequenti vero die dominico, in quo fuit festivitas sanctorum
Prosperi et Severe virginis, cepit dominus imperator
rocham, que dicitur de Cornu, cum plus de centum hominibus,
qui erant intus inter rusticos et cives Mediolani; unicuique
|
1
5
10
15
|