: Statuta vallis Diverii

Pag 18


I. – DE DIVISIONE FABAE.
In primis statuerunt et ordinaverunt quod si aliqua discordia
nasceretur inter consules credentiarios et consiliarios facientes
officium praedictae comunitatis et simul non corcordarent
quod incontinenter, per suum sacramentum, debeant
ponere fabam occulte et ad divisionem fabae esse et manere
concordes simul per suum sacramentum ubi maior pars erit
totius credentiae in concordia et omnia alia verba et divisiones
non valeant, nec teneant. Et qui contrafecerit vel venerit
det et solvat pro qualibet persona et qualibet vice comunitati
dictae vallis Diverii pro pena et banno soldos quinque imperiales.
Et nihilominus suprascriptum statutum sit firmum et
incontinenti dicti consules et credentiarii et consiliarii teneantur
et debeant exigere dictam poenam et bannum antequam
recedant a consilio.
II. – DE VENENDO AD CREDENTIAM.
Idem statuerunt et ordinaverunt quod quando consules, credentiarii
et consiliarii audierint campanam credentiae vel pronuntiatum
fuerit per nuntium dictae comunitatis vel aliquo
alio modo sciverint credentia fieri debere quod ipsi teneantur
et debeant venire ad credentiam per suum sacramentum et qui
contra fecerit vel venerit det et solvat, pro qualibet persona et
qualibet vice, soldos quinque imperiales pro consule et notio
et soldos duos pro quolibet credentiario. Quae poena sit praedictae
credentiae, scilicet quando pulsabitur ad campanam parvam
credentiae teneantur et debeant incontinenti se ducere simul
ad credentiam in sosta praedictae comunitatis: et alii antequam
recedant de consilio incontinenti teneantur exigere
praedictum banum. Et credentiarii et consiliarii non recedant
de consilio sine consulibus.
III. – DE BESTIIS FORENSIUM NON DUCENDIS.
Item statuerunt et ordinaverunt quod non sit aliqua persona
Vallis Diverii vel aliunde quae a modo in antea possit nec
debeat ducere nec tenere super territorio dictae vallis Diverii
intra confines dictae vallis aliquas bestias, videlicet equos, boves,
capras, vaccas et oves nec aliquas alias bestias, scilicet bestias
hominum et personarum habitantium extra confines dictae
vallis Diverii et non sustinentium onera cum hominibus
dictae vallis Diverii. Et qui contravenerit vel fecerit in aliquo
praedictorum, pro poena et banno, amittat dictas bestias: si

Torna all'inizio