Preteriturus eram te pratis, Longule, dives,
carmine sed nostro, spero, per secula vives.
Tu[que] Noti spectas oras solisque calores
et virides nutris oleas Bachique liquores.
Hic fuit, ut perhibent, Fabii celeberrima sedes
Pergameas missi quondam tutoris ad edes;
hic Martis juvenes affectabantur ad arma
atque feras pugnas ictusque repellere parma.
Marcius inde quidem Campus locus iste vocatur,
quamvis nullus ibi ludus vel pugna geratur.
|
130
135
|