necessitas filiorum. Adire paternam clemenciam filialis non pavet audacia,
innocencie clipeo cum tuetur. Contrarium iuri cognoscitur ut
frater fratrem negligat indigentem. Tanto confidencius recurrit frater
ad fratrem, quanto fraterna connexio inter ceteros nexus gradum retinet
alciorem. Tam unitum mutativum vinculum fraternale, quod, oculorum
more, quo tendit unus, consequi debet alter. Si nunquam reserentur
alicui intima secretorum, debent eternis uxoris affectibus non celari:
nam suggerit racio, precipit matrimonii alternus amor, plene compellit
uxorem marito penitus obedire. Gravibus lacessitus iniuriis fidum debet
nepos ad avunculum habere recursum. Persona, crescente fama, deperiret
penitus, nec expense simul crescant cum crescente. Nec genitus
patris, nec privignus victrici debet mandatis debitis refragari.
Inprudenter agit qui filios in molli etate virtuosis actibus informare
non incipit, quia quod in teneris non discitur annis, non habebitur
in maturis.
3. De exordiis quantum ad tristiciam
Cor premitur, mens gravatur et lingua tremens in sermonis pronunciacione
balbutit cum expediat ingrata ferentibus fieri et auditorum
cordibus dolorosa. Mirandum fore non creditur si vestra lacerantur viscera,
cum corda dolorosorum diris aculeis conpunguntur. Debitum
et fas esse dinoscitur ut dilectorum vel propinquorum condicio notificetur,
qualiscumque se habeat, parentibus et amicis. Homo perfectus
et sapiens idem permanet in prosperis et adversis. Virum bonum prosperitas
non extollit, et in adversis eius constancia non turbatur. Vere
lex precipit ut inter amicos et proximos esse debet condicionalis eventus
et eventualis condicio non incerta. Grata libenter scribimus, ut leteris:
ingrata vero, ne convertaris ad turbinem, ut possumus, occultamus.
Capitulum IX
DE EXORDIIS AD AMICOS ET SOCIOS
1. Et primo quo ad missivas
Nec dierum circulis, nec locorum solet distancia solide dileccionis
affectus contingi. Sociorum dileccio terrarum non debet spaciis
defervere. I.icet localis distancia personaliter disiungat amicos, coniungit
tamen mentaliter fervor intime nexionis. Iuri consonum censetur
et usui ut alter amicorum alterius prosperitate letetur. Tanto est amarior
localis distancia dilectis pertenere, quanto amor, qui est vis intima,
|
|