[16]
Et statuimus ut si in sacramento Pistorie consulum vel in
constitutionibus aliquod dubium de ipso scripto fuerit, maiores
consules habeant consilium cum omnibus consiliariis electis illius
anni, qui tunc Pistorie fuerint, et sine fraude potuerint
habere, et secundum quod videbitur omnibus predictis vel maiori
parti eorum, super sacramentum intellectum illius scripti dubii
fore, taliter sit et permaneat.
[17]
Et statuimus ut maiores consules Pistorie mittant custodes
et faciant custodire silvam que vocatur vulgo Ursinia, ne incidatur
nec comburatur nec aliquatenus deguastetur in consulatu.
Et sic faciant iurare suos successores, et ipsi similiter suos
usque ad terminum .XV. annorum, nisi comuni consilio consulum
et consiliatorum omnium vel maioris partis inmutatum
fuerit.
[18]
Et statuimus ut maiores consules non faciant investitionem
neque concessionem de bonis civitatis nostre sine comuni
concordia omnium consulum vel maioris partis, et omnium consiliatorum
vel maioris partis, habita per sacramentum.
|
|