Modo cum per correptam O dicitur, significat et tempus, ut
modo venit, et ponitur pro tantum, ut tace modo. Quodsi
producta posteriore syllaba enuntietur, dativus vel ablativus
est casus ab eo, quod est modus.
Monstrum dictum velut monestrum, quod moneat, aliquid
futurum; prodigium velut praedicium, quod praedicat; portentum
quod portendat; ostentum quod ostendat.
Molucrum dicitur et quo molae verruntur, quod Graeci
mulekoron dicunt, et tumor ventris, qui etiam virginibus incidere
solet. Afranius (336): “Virgini”, inquit, “tam crescit
uterus, quam gravidae mulieri. Molucrum vocatur, transit
sine doloribus.” Molucrum etiam dicitur lignum quoddam
quadratum, ubi immolatur.
Mola vocatur etiam far tostum et sale sparsum, quod eo
molito hostiae asperguntur.
Moles pro magnitudine fere poni solet. Sed moliri et molitiones
a movendo certum est dici.
Munus significat <officium,> cum dicitur quis munere fungi.
Item donum, quod officii causa datur.
Mummiana aedificia a Mummio dicta.
Mundus appellatur caelum, terra, mare et aer. Mundus
etiam dicitur ornatus mulieris, quia non alius est quam
|
|