Petrus Mallii: Descriptio basilicae Vaticanae

Pag 412


papae, in regione Columnae. Hic sepultus est in porticu pontificum.
Cuius epitafium est istud:
Subiacet hic Stephanus Romanus papa secundus et cetera .
Paulus papa. Hic fuit germanus huius praedicti Stephani papae.
Hic iacet in Vaticano iuxta altare beatae Mariae.
Stephanus papa III. Hic vir strenuus fuit, et Scripturis divinis
eruditus, et in earum observationibus constantissimus perseverator.
Leo papa III. Hic beatus praesul constituit, ut ante .III. dies
Ascensionis Domini letaniae celebrarentur. Sepultus in ecclesia
Beati Petri .II. idus iunii.
Stephanus papa IIII. Hic praeter multa bona, quae fecit, fecit
et in ecclesia Beati Petri ad Vincula optimam vestem de chrisoclabo
cum gemmis.
DE ORATORIO SANCTORUM PROCESSI ET MARTINIANI
22. Paschalis papa I. Hic beatissimus praesul detulit corpora
sanctorum Processi et Martiniani martyrum de cymiterio Sanctae
Agathae in ecclesiam Beati Petri; in quorum honorem construxit
oratorium summae pulchritudinis, in quo satis honorifice corpora
eorum recondidit in conc[h]a porfiretica. Sepultus in Vaticano.

Torna all'inizio