Faceret quippe contra nature leges vel amicicie sacramentum, si non
apportaret affectum et opere amico non subveniret amicus. Qua fronte
grandia petit obsequia qui negatorem se facit eciam minimorum?
Ille se amicabiliter se gerit amicus, qui morbo viciorum amici correctiones
adhibet medicinam. E:ius non est multum amicicia peroptanda,
cuius intencio pocius ad res prospicit quam amicum. Inhonestat dona
frons nubila: non enim est liberalitatis dare plurima, sed libenter.
Capitulum X
EXORDIUM INTER AMANTES
Latere nescit amoris ignis in pectore, quando velit undelibet ebullire.
Ita mentis obnubilat amor intuitum, quod ad nichil aliud amantis
extenditur meditacio quam amatum. Insipientis corde non germinat
quidquid cuius auribus audacia seminat mencientis. Labor ille tedii
non parit aculeos, cuius leniat onera spes ineffabilis premiorum. Raro
in partem gratitudinis consuevit accedere quod dilacio ingrata suspendit.
Cuius peticioni confestim exaudicio non respondet, donum interdum
gracius reputatur. Sapit dulcius interdum donum, si desiderium
protrahitur peticionis, quam si illico ad votum audiatur. Sepe dolet
amare qui nescit diligere sapienter. Raro siquidem amor perpetuitate
perdurat, si discrecionis gubernaculo non regatur. Semper
inest michi materia tribulacionum permaxima, dum me transeuntem
et salutantem alloqui non dignaris. Semper inest michi materia gaudiorum,
dum vos in mei amoris desiderio sencio continne florere. Ex
habundancia cordis os loquitur, sed econtra michi: nam, dum sibi
non sufficit interius evagari, dare ori aliquid hebetatur. Stringit mea
pectora vestre care dileccionis nexus, ac mentem facit in amplexus desiderabiles
illaqueare. Languent precordia dilectorum, dum presencialia
gaudia non redundant. Non est affectio vera, que amore non languet,
nec ignis interius vigere cognoscitur, nisi fama liquefacti sermonis
exterius excandescat. Gaudia quidem plena nullatenus celebrari possunt,
exclusa ad invicem presencia dilectorum. Nil bene cernere potest
amor: eo enim oculus mentis velatus quodam ceco lumine cuncta
videt. Verum profitetur sapiens, quod non est malicia super maliciam
mulierum, nec est qui ab earum possit astuciis se cavere. Ira
est abolenda celeriter, nec sol occidat super eam. Fucata mulieris
facies mentem indicat inpudicam.
|
|