permittit. Quae enim adventum Christi tantummodo
significabant, si jam serventur, advenisse eum
negant.
12. Eminentem scientiam . Scientiam Christi habere
non potest quisquis carnalia praecepta legis observat,
vel observanda putat.
13. Ad agnoscendum . Quasi diceret: Qui se in
lege justificari putat, non cognoscit Christum; sed
ego spreta legali justitia, in fide ejus justificari volo,
ut agnoscam illum, id est [ f. , quod, aut quomodo],
incarnatus et mortuus sit.
14. AMBROS. Virtutem resurrectionis . Resurrectionis
ejus virtus est, ut omnes assequantur similem
resurrectionem.
15. AUGUST. ( Ibid ., c. 10.) Virtutem resurrectionis .
Et ubi nominavit virtutem resurrectionis Christi,
agnosce ibi justificationem tuam. Ex illius enim
resurrectione justificamur.
16. LANFR. Virtutem resurrectionis . Virtus resurrectionis
Christi est, justificare credentes; unde
alibi dicit: Et resurrexit propter justificationem
nostram .
17. Et societatem . Ille habet societatem passionis
Jesu Christi, qui ita patitur in hoc saeculo, sicut
idem passus est; quae societas tunc bene cognoscitur,
quando per eam perveniri ad gaudia coelestia
creditur.
18. AUGUST. ( Ibid , c. 12.) Et societatem passionis .
Si enim in te fuerit charitas Dei, communicabis
Christi passionibus, et verus eris martyr. In quo
charitas coronatur, erit [ adde , ipse] verus martyr.
19. ( Ibid ., c. 13.) Configuratus morti. Consepulti
enim sumus , inquit, Christo per baptismum in mortem,
ut quemadmodum Christus resurrexit a mortuis,
sic et nos in novitate vitae ambulemus .
20. LANFR. Configuratus morti ejus . In baptismo,
ut enim tribus diebus jacuit Christus in sepulcro,
sic in baptismate trina sit immersio.
21. Sequor . Imitor, inquit, Christum bonis operibus,
conans si aliquo modo quandoque capiam
illum perfecta intelligentia, in qua ipse coepit me
|
|