et Amalfiam, Rauellum et Scalam potenter obsedit et longa obsidione cepit, et tam castra
eorum quam ciuitates suo dominio subdidit.
Hoc tempore Boamundus filius principis Boamundi in bello iusta Damascum occubuit,
cuius corpus sine capite fertur esse sepultum.
Post hec Apuliam rediens obsedit Barum, que se ei reddit, et tunc Grimoaldum eiusdem ciuitatis
principem et nobiles ciues et potentes qui ei repugnauerant secum in Siciliam transportauit.
Interea Honorius papa mortuus est anno pontificatus sui sexto, anno uero dominice incarnationis
MCXXX indictione VIIJ. Quo defuncto scisma in Romana ecclesia exortum est, nam maior
|
|