in Domino, ut cum nuntii dicti loci ad vos venerint elemosynas
petituri, ad dictum opus vestra beneficia transmittatis
vos prelati et cet. Nos vero et cet.
CLXXXIII.
Remissio pro letaniis.
Talis episcopus dilectis clericis et laicis talis plebatus
salutem in eo qui est vera salus et virtus. Officii suscepti debitum
nos compellit ut illis operibus intendamus, et inducamus
subditos ad hec, que pietatem respiciunt et ad salutem
pertinent animarum. Ideoque consuetudinem vestram
laudabilem approbantes, quam usque ad hec tempora Deo propitio
servavistis, veniendo ad plebes vestras annis singulis
una dierum in quadragesima cum letaniis et vestris oblationibus
reverenter, vos ad imitationem ipsius inducimus et rogamus,
unum annum pro criminalibus singulis auctore Domino
remittentes, qui ad locum ipsum duxerint die tali pro Dei reverentia
et sanctorum sue beneficia transmittenda.
CLXXXIIII.
Remissio pro confraternitate.
Talis episcopus, dilectis in Domino filiis Sancti Antonii
fratribus tam presentibus quam futuris, salutem et illam quam
mundus dare non potest pacem. Multa genera sunt peccatorum
pro quorum varietate celestis Dominus, medicus et magister
diversa remedia tribuit populo christiano, inter que
vos elegistis ad curandum egrotum consilia potiora, sociando
vos ipsius pauperibus per opera caritatis. Quocirca vestram
|
|