Macedoniam, moratus est ibi toto tempore Philippi, sapienciam
demonstrando. Post obitum Philippi Alexander filius suus regnavit,
et Alexandro recedente de Macedonia ad expugnandum
illos de regione Asie, Aristotiles reversus est Athenas et remansit
ibi docens decennio; tandem ob invidiam cuiusdam sacerdotis,
idem sacerdos suasit civibus quod convenirent eum
super hoc quod ydola adorare nolebat que alii tunc temporis
adorabant. Quo scito Aristotiles ab Athenis recedens, ad suam
terram Stagiram se reduxit, metu compulsus ne id sibi inferrent
quod Socrati intulerunt quem perimerant veneno. Et postpositis
tunc factis regiis, locum sibi invenit ad docendum. Et postmodum
incepit exercitare se ad benefaciendum hominibus, et in helemosinis
pauperibus largiendis, et in pupillis et orphanis maritandis,
et in gubernandis eisdem et in concedendo aliquid
studere volentibus, cuiuscumque ordinis essent et ad qualemcumque
scienciam intenderent. Et renovavit Stagire fabricam
et posuit eis leges. Quem reges plurimum honorabant, in sublimi
statu tenentes eum. Obiit postmodum anno LXIII, cuius ossa
accipientes iidem de Stagira incluserunt in archa quadam, quam
situaverunt in locum ubi consiliari solebant pro magnis agendis,
circaque ossa morari maxime delectabantur. Et cum molestabantur
aliquo negocio gravi, cuius scienciam pertingere non valebant,
recurrentes ad locum eundem morabantur ibidem disputando
tamdiu donec perveniebant ad noticiam veritatis, sperantes quod
propter moram in ibi ubi ossa Aristotelis erant reposita, sensum
haberent veriorem et subtiliorem intellectum. Faciebant etiam
hoc ut eum honorarent post mortem, et quantum dolerent de
|
|