absentia nostra eis efficaciora impedimenta
parturiat, sic in armorum et equorum
cum omnibus fidelibus nostris Jurisdictionis
tuae, sis in continuo apparatu, quod Magnificentia
nostra te, et fideles eosdem paratos
inveniens, non parandos, et condignae commendationis
[titulum vestrae devotionis]
constantia consequatur, nec processum nostrum
contra rebelles eosdem, ob defectum
apparatus ejusdem contingat aliquatenus
retardari.
Cap. XLVIII.
Significat cuidam fideli suo prosperos rumores
de exercitu.
Ut victoriosi exercitus nostri processus
fidelitatem tuam non lateat, veritas, quae
frequenter, ut assolet, loquacitate referentium
variatur, praesens te veridica pagina
doceat, quod dum in castris ante Faventiam,
in depopulatione nostrorum rebellium
tam potenter quam feliciter moraremur,
de ipsius loci celeri occupatione securi M. Marchionis
Palatini fidelis nostri, qui constantiam
nostram aliquomodo non falleret, accepimus
literas, continentes, quod [Mediolanenses
nostri rebelles, cum Placentinis eorum
sequacibus pro succursu Parmensium proditorum]