fideles nostros, ad majus tibi salarium exhibendum,
contra formam statuti ipsorum soliti, non
compellas. Nolumus etenim, fideles nostros
indebitis gravaminibus affici, et insolitis
molestiis aggravari.
Cap. XXXVII.
De securo conductu sine termino et
conditionibus.
Universis praesentes literas inspecturis etc.
Cum magistrum G. delatorem praentium
notabilem Capellanum, fidelem
nostrum, ad Ludovicum illustrem regem
Francorum, dilectum amicum nostrum cum
quibusdam magnis et arduis Excellentiae nostrae
negotiis exequendis transmittamus ad
praesens, fidelitati vestrae praecipiendo mandamus,
quatenus eundem magistrum G. Cum
equitaturis, scuteriis, et rebus suis sine alicujus
pedagii exactione ire, stare et ad Curiam
nostram redire secure et libere permittatis:
eidem in securo conductu cum expedierit, et
ab eo fueritis requisiti, provisuri, ob nostrae
Majestatis reverentiam.
Cap. XXXVIII.
Quod provideatur cuidam presbytero de vacantibus
proventibus.
Ad nostrae Majestatis praesentiam accedens
A. de N. fidelis noster, nostro culmini
humiliter supplicavit, ut ipse in quidam