certius? Quid apertius?
24. AUGUST. ( Ex Tractat. Evang. secundum Joan.
39.) In semine tuo . Et quia et nos ad id pertinemus,
quod est Christus nobis simul incorporatis et illi
capiti cohaerentibus, unus est Christus, et quia et
nobis dicit: Ergo Abrahae semen estis, secundum
promissionem haeredes . Si enim unum est semen
Abrahae, et illud unum semen Abrahae, non intelligitur
nisi Christus; hoc semen Abrahae sumus nos;
hoc ergo totum, id est, caput et corpus, unum est
Christus.
25. LANFR. Hoc autem dico . Ordo: dico autem ex
quae post quadringentos et triginta annos facta est,
non facit irritum hoc testamentum. Si enim soli observantes
Judaeorum legem in semine Abrahae benedicerentur,
ex quadam parte irritum factum esset
testamentum Dei, et evacuata promissio ejus, qua
omnes gentes in semine Abrahae benedicendas esse
promisit.
26. Nam si ex lege haereditas . Benedictio vel haereditas
per fidem tantum accipitur, non enim per
legem, quia lex testamentum fidei a Deo ad Abraham
prius confirmatum non destruit. Ergo si ex
non destruit testamentum fidei, non dat benedictionem,
vel haereditatem. Sed non destruit hominis
testamentum confirmatum, aliud testamentum posterius
factum, a simili, hoc simile praemittitur propositioni
probandae, quod lex non destruit testamentum,
quod ita est in libro: Hoc autem dico testamentum
confirmatum a Deo , etc.
27. Jam non ex promissione , id est, si hi soli qui
legem Judaeorum observant, haeredes sunt, jam non
datur haereditas secundum promissionem Dei, quae
de omnibus dicit.
28. AUGUST. ( ex serm. 13 de verb. Apost., c. 4,
tom. X). Quid igitur lex? Quid igitur lex? Quasi,
quae utilitas legis? praevaricationis gratia posita est;
hoc est quod alibi dicitur: lex enim subintravit, ut
abundaret delictum, praevaricationis gratia posita
est. Unde humiliaretur cervix superborum multum
|
|