dicens: « Hec animalia sunt anime nobilium virorum, que nos
pascimus amore Dei». Ei autem respondi dicens: «Hec animalia
non sunt anime sed solum bestie et animalia ipsa sunt ». Michi
autem respondit dicens: «Verum non est quod hec animalia sint,
sed solum nobilium virorum iste sunt anime. Unde sicut, unus
illorum fuit nobilis homo, sic eius anima in aliquod ipsorum
animalium ipsa intrat nobilium; anime vero rusticorum hominum
animalia vilia intrant et habitant ». Sic autem isto modo
dicere poteram sibi multa, quod nunquam aliud credere
volebat.
8. Si quis autem dicere et narrare huius magnitudinem
civitatis vellet, illius que magnaet mirabilia que sunt in ea,
unus bonus quaternus stationis hec talia tenere non posset.
Unde ista est melior et maior terra ac nobilior pro mercimoniis
quam habeat totus mundus.
De civitate Cileton cuius muri circuunt per XL miliaria, iuxta
quam biduini, id est homines longi tribus spannis habitant,
per quorum terram transit flumen Talay, quod est amplius
VII milliaria ubi minus est. Cap. XXIV.
1. De ista recedens civitate veni ad unam magnam civitatem
per sex dietas que vocatur Chilenfo. Huius muri civitatis
|
|