nostrorum rebellium proterva temeritas,
quam per instantis obsidionis excidium
Serenitas ad extrema deduxerat,
tenuis spiritus vegetata suffragio laboraret
in ultimis, volens in fortunae dubiae
manibus externis ponere causam suam
quae desperare interius necessario cogebatur,
tractato cum aliquibus exulibus civitatis
ipsius quodam fraudulentae machinationis involucro.
Cum resistentiae sibi fiducia,
vel resistendi materia non subesset, temporis
etiam habilitate captata, quo partem gentis
nostrae ad fabricationem pontis [cujusdam
in Pado, per quem] aquae nobis
servabatur, dominium, miseramus, die
Martis 18. praesentis mensis Februarii Bernerios
quosdam, ut ad eorum persecutionem
gentem nostram adverterent, callide praemiserunt.
Sed dum fideles nostros, quos virtutis
interius animositas accenderat, et in similibus
expertos jam pluries fortunae placiditas
animarat, ad reprimendam hujusmodi
rebellium pusillanimitatis audaciam, inermes
et unanimes extra castrorum nostrorum limites,
casus tam subitus eduxisset. Accidit quod
priusquam ad defensionem commodam civitatis
Victoriae quam ibidem statio nostra firmaverat,
fideles nostri regredi potuissent,