tium uidelicet et Carpoforum, in presbyterii gradum ordinauit.
Laurentium et Habundium in sancti diaconatus ordinauit agere
uicem: qui multo tempore occulte multa corda Paganorum in Christi
nomine in sancto baptismate conuerterunt.
Denuntiatum est Iuliano, quod de Syriae partibus quidam uir
Anastasius uenit cum duobus filiis et nepotibus et parentela sua, ut
doceret populum de doctrina hominis illius, qui in Iudea crucifixus
est. Et ordinauit sibi presbyteros et diacones, et fecerunt sibi fontes
et baptisma, et multos Christianos fecit; et subtraxit populum
in doctrina Christi sui. Quo audito, Iulianus, rabiae et spiritu iracundiae
repletus, et cum iurgio iussit, ut cum summa discussione
ante uestigia sua adducerentur.
Et apprehenderunt ministri, sicut iussum fuerat eis, sanctum
Anastasium cum duobus filiis suis, et qui cum eis uenerant; quorum
nomina nuncupantur: Eutitius, Britius, Iohannes, Theodulus,
Isaac, Habundius, Carpoforus, Laurentius, Proculus, Herculanus et
Paractalis. Et per haec taliter una erat germanitas, quae de Syriae
partibus uenerat. Et ministri adduxerunt eos ante uestigia Iuliani,
et dixit ad eos: «Quid est, miseri, insania uestra?». Cui sanctus
Anastasius respondit: «Insania nostra Christus est». Quo
audito, Iulianus iracundia repletus iussit fustibus nodosis mactari
eos, et in carcere retrudi, ut fame periclitarentur, ut possit eorum
insaniam uincere.
|
|