compatri suo .B. .C. salutem et intimi perpetuitatem amoris; vel sic:
Reverende commatri sue domine .B. .P. salutem et commaternalis amoris
affectum; vel sic: Indissolubili sibi affinitate connexe sue commatri
.B. .P. salutem et consanguineam puritatem.
2. De santolo ad frozum suum
Suo karissimo filiolo, vel frozo; vel sic: Dilecto asnato suo, ut
dicunt alii, .P. .B. patrinus vel santulus salutem et suam sacram benediccionem
obtinere perpetuo; vel sic: Suo baptismate sacri fontis
filio benedicto .P. .B. salutem et fidem viro creatori promissam operibus
decorare devotis.
3. Responsiva conversa
Suo per baptismum et fidem patrino vel santulo, imo spirituali
patri .B. .P. salutem illam quam adepturi sumus per baptismum sacramentum;
vel sic: Reverendo santulo, imo patri qui me per fidem
iterum generavit in Christo; vel sic: Venerande santule, imo matri
fidei sacre generacione secunde .M. .B. debita generacione filius et
subiectus salutem et sacram benediccionem vestram consequi apud
Deum, vel sic: Salutem et promissionem sacre fidei per me factam
esse vobis salutiferam coram Christo.
4. De rustico ad rusticum vel pastorem
Ser Martinus nobilissimo rusticorum Ser Corado pastori pecorum
marchionis salutem et ubertate lactis pre ceteris habundare, vel salutem
et pecorum fecunditate gaudere, vel copioso rustico cuncte fertilitatis
amico .C. .P. villicus talis ville salutem et curis novalibus iugiter inherere,
vel gentem tuam locationis animalium, segetum non esse capacem.
5. De cive ad rusticum vel ruralem
Curialissimo rustico vel rurali .S. .B. Iohannes civis Venetus salutem
et non ruris, sed semper mores gerere civitatis; vel sic: Largo
et cognoscenti homini solum nomine rustico et non re, sed actu
omni bona .D. .P. de ... salutem et preceptorum beneficiorum me semper
ad retribucionem paratum, vel salutem et non rurales, sed semper
mores exercere civiles.
|
|