Universitati vestre presencium tenore innotescat, quod
nos R de tali loco ab exconmunicacionis sentencia, lata per
nos in eum ob contumaciam ad instanciam P de tali
loco, absolvimus per presentes, restituentes eundem ecclesiasticis
sacramentis, pro eo quod idem R ad mandata nostra et ecclesie
rediens de parendo iuri et stando mandatis
ecclesie corporale coram nobis prestitit iuramentum,
et quia etc. ut supra proximo.
C .
Quia quandoque vocatur notarius, ut de absolucione
huiusmodi publicum conficiat instrumentum, conveniens est
ut ad hoc exhibeam certam formam.
Instrumentum abtolucionis.
In nomine domini amen anno eiusdem etc.
Universis presens publicum instrumentum inspecturis
pateat manifeste, quod reverendus pater dominus I dei
gracia cantuariensis archyepiscopus tocius Anglie primas R de
tali loco, quem idem dominus archyepiscopus exconmunicaverat
ob contumaciam ad instanciam P de tali loco, de
ipsius P assensu absolvit, recepto ab eo corporali
iuramento de parendo iuri et stando mandatis ecclesie, ac
ipsi P refusis expensis omnibus ob contumaciam ipsam
factis.
Actum in tali loco, presentibus talibus etc.
D . Quando conmittitur alicui quod exconmunicatum
absolvat.
Frater I etc. dilecto in Christo filio etc.
Discrecioni vestre presencium tenore conmittimus et
mandamus, quatenus R de tali loco, quem ad instanciam
P loci eiusdem ob contumaciam exconmunicavimus, vocato
dicto P, et eidem refusis expensis ob contumaciam ipsam
factis, ab ipsa exconmunicacionis sentencia iuxta formam
ecclesie absolvatis, et eundem in ecclesia vestra et alibi
|
|