Item, dicto anno, die martis XX mensis decenbris, dictus dominus comes separavit se de
civitate Imole, et equitavit ad civitatem Ravenne.
Item, die XXIII mensis decenbris eiusdem anni, equitavit ad civitatem Arimini, ubi stetit
multo tenpore, et separavit se de Arimino die dominico penultimo mensis aprilis, et ivit in
Marchiam .…………………………………………………………………………………..
………………………………………………………………………………………………
Item, anno Domini millesimo ducentesimo nonagesimo sexto, indictione nona, die martis
XIII mensis marcii, dominus Maghinardus de Sosenana equitavit, cum aliquibus ex militibus
et popularibus Faventie et suis fidelibus, ad castrum Calamelli, et ibidem, dato signo, per vim
et prelium atque fortiam, cepit castrum predictum; illi vero, qui erant in turri, salvis eorum
personis, reddiderunt [ipsam similiter] .……………………………………………………..
……………………………………………………………………………………………….
Item, eodem millesimo ducentesimo nonagesimo sexto, indictione nona, die dominico primo
mensis aprilis, magnificus vir dominus Petrus Abbate marchionis de Feraria patruus et dominus
Galasius comes Montisfeltri et maxenata de civitate Ariçii convenerunt in unum in
civitate Faventie, una cum militibus et populo civitatis Cesene et Forlivii, et dominus Maghinardus
de Sosenana cum suis fidelibus, et dominus Anselmus potestas et dominus Napolione
capitaneus civitatis Faventie cum militibus et populo civitatis eiusdem, et cum eorum guarnimento
undecunque congregato; dicta dies, post prandium, pulsatis canpanis comunis Faventie
ad stirmtam, exeuntes civitatem Faventie per portam Imolensem, equitaverunt usque
ad flumen Raseule seu Santerni, quod est prope civitatem Imole, quod, propter inundationes
aquarum et pluvias, multum erat latum et altum, ita quod transiri non poterat sine periculo
personarum, eques vel pedes.
Ex adverso autem, in civitate Imole, congregati erant quatuor millia pedites armati de
Bononia, et multi alii, tam de Bononia, quam de comitatu Imole, et exteriores de Faventia
et milites de quarterio porte Sancti Petri de Bononia et maxenata comunis Bononie, qui
omnes convenerant in ipsa civitate Imole. Et quam cito intellexerunt adversarios eorum esse
super flumen, statim traxerunt ad renaçium Imole, ad impediendum transitum predictorum.
Decrescente itaque flumine supradicto, milites intraverunt ipsum flumen, et faciebant quasi
unam clusam in aqua, ita quod populares, per ipsam aquam, sicut melius potuerunt, transitum
|
|