CAPUT IV
De modo amalgamandi
Quoniam ex solo Mercurio nullo extraneo addito opus nostrum
perficitur, ideo de modo componendi Amalgama breviter dictum
est.
Quidam vero hic male intelligunt philosophos, quia credunt ex
solo ipso Mercurio sine sorore vel compari eius, opus perficere.
Ego autem tibi dico secure, quod cum Mercurio et compari eius
labores et Mercurio nihil extranei addas, et scias quod aurum et
argentum non sunt extranea Mercurio, imo vicinius participant
suam naturam quam alia quaevis corpora. Ideo reducta in suam
primam naturam, dicuntur sorores et compares Mercurii, ex sua
compositione et simul fixione, lac virginis emanabit, si locum
istum clare intellexeris.
Et si cum Mercurio nulla re extranea addita operatus fueris,
consequeris optatum.
|
|