non interficerent vel ad mortem non sauciarent. Nec ibi
infra castrum ultra murum ipsius castri per terram planam
aliquis ad ipsum murum appropinquare poterat, quin hi, qui
supra castellum stabant, lapidibus vel pilottis eum non vulnerarent.
Erat enim ipsum castellum plus de septuaginta
brachiis altum et plus de triginta longum et latum, ita quod,
qui supra ipsum castellum fuerant, fere per totum castrum
Creme nullus se movere poterat, quem ipsi videre non possent;
ac pro maxima parte ipsius castri lapides ac pillottos proicere
leviter poterant. Que res pernimium pavidos ipsos Cremenses
reddebat.
Interea quadam die, in qua tunc fuit pascha epiphanie,
venerunt Cremenses supra quandam machinam, quam fecerant
supra travatam illam, quam ipsi ex lignis et terra intus iuxta
murum castri composuerant. Adduxeruntque cararias multas
plenas ex lignis siccis sulfure et lardo atque oleo seu axungia
et pice liquida madefactis. Cumque super ipsam machinam
habuerunt, cum manticis, quos ibi habebant, ignem in
ipsis carariis accenderunt. Postea cum bene accense fuerant,
per quendam pontem ligneum, quem super ipsam machinam
fabricatum ita habebant, quod foris de ipsa machina
plus de decem brachiis iactabant, ipsas cararias versus
|
1
5
10
15
20
|