Proxima vero die Mercurii abstraxit benignus imperator
Mediolanenses de banno et precepit consulibus, quod adhuc
facerent ad eum venire centum quattuordecim milites, ut ipse
haberet ex eis quadringentos obsides inter illos CXIIII et
alios, quos elegerat de his, qui iam venerant in die dominica
et qui erant ducenti octuaginta et sex. Et omnibus peditibus
domum remeandi licentiam tribuit. Precepitque eis, ut tantum
de fossato ac muro Mediolani demoliantur per unamquamque
portam Mediolani, quod ipse cum exercitu suo civitatem possit
largiter introire.
Elegitque ibi imperator sex Longobardos et sex Teutonicos,
qui Mediolanum irent universosque Mediolanenses prefato
modo iurare facerent. Et ego Acerbus Morena filius Ottonis
Morene, qui hanc istoriam deinceps dictavi, qui tunc eram
potestas Laude, fui unus de predictis duodecim. Et usque
ad sabbatum proximum fecimus iurare quasi universos Mediolanenses,
quos invenimus. Ego quidem et Fredericus
de Asia camerarius imperatricis fecimus iurare habitantes
|
1
5
10
15
|