Otto Morena et continuatores: Historia Frederici I

Pag 129


Mediolanensis, sed post captionem Creme civis Laude fuerat
effectus, et Bernardus de Bagnolo, qui de alia captione iam
fuerat redemptus, et Otto Denarius atque Manfredus
Morena meus filius. Quibus captis Mediolanenses et Cremenses
reverti ceperunt. Interea Laudenses tam hi, qui precesserant,
quam hi, qui persequebantur, insimul collecti usque prope
castrum Ripalte post Mediolanenses equitaverunt. Quos
Mediolanenses conspicientes, revolutis abenis steterunt,
Laudensibus quoque stantibus et eos a longe prospicientibus;
utraque enim acies alteram formidans, neutra alteram fuit
ausa invadere. Laudenses vero, cum per aliquod tempus sic
dubii stetissent, videntes, quod nihil possent ledere Mediolanenses,
tum quia plures illis erant, tum etiam quia castrum Ripalte
foret eis ad tutelam, cum iam nox esset, domum revertuntur.
 
Et in ea tota yeme stetit imperator Papie cum militibus,
quos episcopi et alii principes Longobardie sibi tribuerant,
et paucis Teutonicis.

1



5




10




15


Torna all'inizio