Machineas sursum montanis errigat altis - .
Subsidium implora a Cesare, gentis et eius
Agmina, si paveat Cesar, succurrere pressis,
Afflictisque suis. Et iam finis in armis;
Spellinas summasque arces, ac oppida reddunt.
Planantur turres, et quicquid in arcibus illis
Emitur, porteque patent, et transitus aptus
Genti Eulistee: que, cum sub Virgine Titan
Esset, castra movet ac Griphos inde minaces
Fulgineum versus, deuastans omnia circum.
Vinea destruitur, olee ceduntur, et omnes
Arboree plante, seu queque ferentia fructus.
Non audent exire locos, latitantque paventes.
Ut perdix, cum rura canis venaticus ambit
Nare sagace sua, sylvasque molosus odorat;
Asturis utque metu volucris non ausa volatum
|
|