Lanfrancus Ticinensis: In omnes epistulas Pauli commentarii, cum glossula interiecta

Pag 308


ita velle. Exponit causam: Eo quod , inquit, habeam
vos in corde , sive vinctus, sive defendens, sive confirmans
Evangelium, ut omnes sitis socii gaudii mei,
id est, regni coelestis.
7. AMBROS. Cupiam vos . Quod dixit in visceribus
Christi, dicere voluit in charitate illa quae secundum
Christum est.
8. Ita ut vincula . Nam vinctus ad omnium notitiam
pervenit, et fideles cum fiducia docebant ex
his quae circa illum facta sunt, fiduciam accipientes;
quidam propter invidiam Christum annuntiant; quae
utraque latius significat adjiciendo: Alii ex contentione,
quidam quidem ex charitate .
9. LANFR. Sine timore . Videntes alii Apostolum
in vinculis non timentem verbum Dei loqui abundantiorem
audentiam sumebant sine timore loqui
verbum Dei, cum ipsi non essent vincti.
10. AUGUST. (lib. Contra mendacium ad Consent .,
c. 6, tom. IV.) Quidam quidem . Fuerunt enim etiam
temporibus apostolorum qui veritatem non veritate,
id est, non veraci animo praedicarent, quos dicit
Apostolus Christum annuntiasse non caste, sed per
invidiam et contentionem; ac per hoc etiam tunc

Torna all'inizio