dominus comes Guido de Montefeltro capitaneus civitatis Forlivii proclamari fecit, publica
voce preconia, per civitatem eandem, quod omnes et singuli, tam milites quam populares,
qui erant in civitate Forlivii, deberent se congregare in platea civitatis eiusdem, absque alicuius
mero dispendio; quibus ibidem armatis viriliter et potenter, idem dominus comes parlamentum
fecit, et multa et varia ibi dixit, confortando plurimum omnes gentes suas ut viriliter
omnes se gererent et haberent, scientes quod sua erat intencio et voluntas exeundi versus
inimicos et preliandi cum eis. Et sic statim, iuxta mandatum ipsius, omnes, tam milites quam
populares, cives et forenses, armati, cum eorum equis copertis et suprainsigniis eorundem, exiverunt
|
|