aeternus est, sunt multae aeternitates differentes specie, et sunt
concordantes per cameram B C T C contra cameram B C T D;
quod est impossibile. Vnde sequitur, quod de quaestione negatiua
est tenenda; et hoc probat regula B.
52. Quaeritur: Vtrum Deus tantum possit esse infinitus per
suam magnitudinem, quantum per suam aeternitatem? Vade ad
columnam C D E, et ad cameram C D T C, tenendo affirmatiuam
contra cameram C D T D.
53. Vtrum tantum Deus possit per aeternitatem, quantum per
intellectum? Vade ad columnam D E F et ad cameram D E T D.
54. Vtrum Deus sit tantum potens per suum posse, sicut per
suum intelligere et amare? Vade ad columnam E F G. Et teneas
affirmatiuam per cameram E F T E et per cameram E F T F et per
cameram E F T G, usquequo tota columna erit consummata.
55. Vtrum intellectus suus et sua uoluntas sint maiores, quam
sua uirtus? Vade ad columnam F G H. Et teneas negatiuam per
omnes cameras ipsius columnae, hauriendo significata camerarum.
56.
Vtrum diuina ueritas sit in tantum uirtuosa per aequales
correlatiuos, sicut diuina uoluntas? Vade ad columnam G H I. Et
teneas affirmatiuam per omnes cameras ipsius columnae.
57. Vtrum in Deo sua uirtus, gloria et ueritas habeant id, quod
sunt aequales, et a tempore, loco et minoritate remotae? Vade ad
columnam H I K. Et teneas affirmatiuam per omnes cameras.
8. DE QVAESTIONIBVS, FACTIS PER EVACVATIONEM TERTIAE FIGVRAE
In camera B C dictum est, quod bonitas est magna. Modo
quaeritur:
58. Vtrum bonitas sit magna? Et:
59. Quid est sua magnitudo? Et:
60. Bonitas et magnitudo in quo concordant? Et:
61. Vtrum possint concordare absque differentia?
Et respondendum est, quod bonitas est magna, ut patet per
|
|