36. In Exquilino monte fuit templum [Marii], quod nunc
vocatur Cimbrum, eo quod Cimbros deiecit. Ubi nunc est Sancta
Maria ad Praesepe, fuit templum Cybeles. Templum Veneris ad
Sanctum Petrum ad Vincula. Ad Sanctam Mariam in Fontana
templum Fauni, quod simulacrum locutum est Iuliano et decepit
eum. In cilio montis templum Iovis et Dianae, quod nunc vocatur
Mensa imperatoris, super palatii Constantii. Ibi in palatio fuit
templum Saturni et Bachi, ubi nunc iacent simulacra eorum.
|
|