5. Fili mi, noli . In Proverbiis ita habetur: Disciplinam
Domini, fili mi, ne abjicias, neque deficias
cum ab eo corriperis; quem enim diligit Dominus corripit,
et quasi Pater in filio complacet sibi .
6. Fructum pacatissimum . Ordo: Fructum pacatissimum
justitiae, id est, quem justitia promeretur.
7. Pedibus vestris . Pedes vocat cogitationes, quae
tunc recte gradiuntur, cum bene credunt; tunc claudicant,
cum errant.
8. Scitote . Ostensio quam fuerit Esau profanus,
id est a conventu fidelium alienus.
9. Non enim accessistis . Quando lex data est Judaeis,
apparuit ignis tractabilis, id est, palpabilis, et
accessibilis, in quo loquebatur Deus, et caetera terribilia
quae sequuntur. Non ita, inquit, in novae legis
latione factum est, omnia enim suaviter et dulciter
indicantur vobis.
10. Sed accessistis , id est, ad altitudinem, in qua
vel de qua videtur Deus. Sion enim speculatio
|
|