omnia et singula sua negotia pertractanda, dicens: esto
mundualdus huic; et capiens eam per manum destram,
de volumtate ipsius mulieris, sub eius mundio et potestate
misit et tradidit, una cum mundio et frea et
anagriph, et omni iure et rebus ad eam et mundium
pertinentibus. Actum loco tali et cetera.
DE DISMUNDIATIONE ET TRADITIONE MULIERIS TAM
VIRO QUAM ALTERI PERSONE.
Talis mundualdus legiptimus vel dativus, sive datus
tali mulieri per talem iudicem, ut constat per publicum
instrumentum factum manu talis notarii, quod vidi et
legi, ut legiptimus talis mulieris, filie quondam I.
fratris vel filii sui, adprendens illam per manum destram,
de volumtate ipsius mulieris, dedit et tradidit
eam tali in uxorem; vel dedit et tradidit eam in manus
talis, et sub eius mundio et potestate, una cum mundio
et frea, anagriph, et omni iure et rebus ad eam et
mundium pertinentibus, et promisit eidem se esse ita
mundualdum, et ab omni persona ita defendere et expedire,
et conservare eam exinde indempnem, et non
contra hec datum vel factum habere nec facere in futurum;
alioquin: promisit ei dare tot libras pro pena, et
dampna et expensas resarcire, et post hec ex pacto
firma tenere, sub ypotheca et obligatione rerum suarum;
pro qua mundii traditione et concessione, et hiis
omnibus, recepit, ut confessus est, nomine meriti, ab
ipso I. soldos .XL. pisanos si reciperet; sive non reciperet
meritum dicas: omni merito et launachil, et omni
leg(um) auxilio et exceptioni ren(umptians) speciali et
generali.
DE LOCATIONE TERRARUM NOMINE FICTI.
Martinus filius I. locavit et dedit et concessit tali,
nomine ficti, unam petiam terre cum casa positam loco
tali, vel omnes terras et podere quas et quod habet in
tali loco, in termino, et promisit eidem predicta non
tollere nec contendere, non molestare, non super inponere,
|
|