in columpnis scilicet porfireticis, venerabilem ymaginem
apostolorum Petri et Pauli, quam beatus Silvester papa ostenderat
Constantino, ad repraesentandam formam eorum, [quos ante baptisma
in visione viderat]. Basilicam Beati Petri marmoribus ornavit.
Cant[h]arum pulchrum in paradiso cum pinea aenea, cum quadriporticu
marmoribus et musibo fecit, agnos et cruces et palmas
decenter pinxit; gradus construxit et cant[h]arum in medio cortinae
conposuit, ad c[h]rismatis unctionem in feria II post Pasc[h]a.
Iohannes papa I, qui ob catholicam fidem Ravennae in custodia
defunctus est martyr .XV. kal. iunias; cuius corpus translatum est
de Ravenna et sepultum est in basilica Beati Petri in Vaticano.
Felix papa, qui fecit ecclesiam Sanctorum Cosmae et Damiani
et constituit supra sepulchrum martyrum missas celebrari.
Bonifatius papa I. Hic requiescit in porticu pontificum, de quo
habetur hoc epitafium:
Atria magnifici sunt membris plena sepulti
Sedis apostolicae Bonifati praesulis almi.
Iohannes papa II, qui et Mercurius appellatus est; de quo habetur
hoc epitafium:
Hic tumulus vatis conservat membra Iohannis,
Ordine pontificum qui fertur iure secundus.
|
|