per ipsum R proposita et excepta in excepcionibus ipsius
R in actis infrascripti notarii nostri descriptis plenarie
continentur,
vel sic: pro parte dicti R coram nobis fuerint quedam
excepciones proposite, que tales sunt: coram vobis etc.
et ponantur omnes excepciones per ordinem. deinde
dicatur:
nos visis diligenter et examinacionibus prenotatis, et
interrogacionibus eidem P per nos ex officio nostro factis,
et responsibus subsecutis ad eas, necnon auditis consideratis
et intellectis attencius iuribus et racionibus et allegacionibus
omnibus quas ipse partes dare in scriptis vel ore
tenus facere voluerunt, et super hiis omnibus habito
plurium consilio peritorum et per nos ipsos deliberacione
sollempni, dei nomine invocato, auctoritate domini
pape qua fungimur in hac parte interloquendo pronunciamus,
procedendum esse ac procedi debere in causa premissa,
non obstantibus hiis que pro parte dicti R proposita
sunt in contrarium vel obiecta. vel sic: non obstantibus
excepcionibus suprascriptis.
E.
Pronunciato super excepcionibus, ad litis contestacionem
procedatur.
Deinde ad iuramentum calumpnie, si petatur, vel de
veritate dicenda, cum autem causa mere civilis, tunc
iuratur de calumpnia tantum. si vero spiritualis fuerat, vel
spiritualibus annexa, tunc iuratur de veritate dicenda.
Set quia expense et interesse veniunt in lite,
que civilia sunt, ideo in spiritualibus causis et spiritualibus
annexis iuratur in romana curia de calumpnia et de
veritate dicenda.
Unde videndum qualiter in casu quolibet sit
scribendum.
|
|