5. (1) COMPLEXIO.
(2) Conplexio est que utramque predictarum exornationum
complectitur, (3) hoc modo: 'Quem senatus damnavit, quem populus
Romanus damnavit, quem omnium estimatio damnavit,
eum vos vestris sententiis absolvatis'. (4) Et iste color grece dicitur exocensis.
6. (1) TRADUTIO.
(2) Traductio est que facit ut idem verbum crebrius repetitum
nonmodo animum non offendat sed concinniorem orationem
reddat, (3) hoc modo: 'Qui nichil habet in vita iocundius vita
his non potest vitam colere cum virtute'. (4) Item: 'Eam rem
tam studiose curas que multas afferet tibi curas'. (5) Hic autem
color epanados vocatur.
7. (1) CONTENTIO.
(2) Contentio est cum ex contrariis rebus oratio conficitur,
(3) isto modo: 'Inimicis te placabilem, amicis inexorabilem prebes'.
(4) Contraria hic dicuntur quelibet adversantia. Et vocatur
iste color antiteton.