denegat; non est benefactor sed deceptor; eo quod opinatur et
dicit contentus est, licet cum sapientibus discordet, et se male
egentem benefacere reputat; tenet se sollicitum, cum sit piger
et negligens, et pro bono cum malus existat, et pro sapiente
cum sit ignarus; et si veritas suo voto consonet, eam diligit et
commendat, et si dissonet, eam vituperat et abhorret; si cum
sapientibus studebit, nec humiliabitur nec ascultabit eosdem;
et si studuerit eum minus eo scientibus, eos despiciens deridebit;
et benefacere indicit, et ipse male facere percipitur; precipit veritatem
proferre, et ipse mentitur; discrepant facta dictis, nec
quod corde gerit lingue coheret; mundum istum pro alio comparat;
si sapiens non fueris te docere non curat; et si sciveris
minus eo, te deridens docere despiciet; si fueris dives, te
nunciabit austerum; si pauper, nullius valoris te dicet; si bene
egeris, ob ypocrisim te id egisse dicet; si male, diffamaberis ab
eo; si donaveris, vastatorem, si non, te nominabit avarum; si
mansuetus, et hominibus herens, te ypocritam nominabit; et
si elongeris ab eis, dicet te per arroganciam id fecisse. Mores
vero sapientis felicis sunt bona continencia, iusticia, bene agere,
bene scire, sollicitudo, indulgencia, humilitas, locutio suo loco,
eodem modo silentium; mensura in sui potencia; liberalis petentibus;
sapienter profert si loquatur; intelliget allegata; si monstraverit,
mansuete monstrabit; si didiscerit, bonas questiones
movebit; si benefiat ei, gratificat; si secretum ei commiseris, non
revelabit; et ei ipse tibi committat, de te plene confidet; et si
aliquid dederit, non improperabit; vult pro aliis quod sibi vult
fieri; si ditabitur non furiet; Dei non obliviscitur, pauper sit
sive dives; sua sciencia proficit; predicanti credit; maiori se non
adversatur, nec despicit se minorem; in quo jus non habet,
|
|