decrevimus capitalem. Sane quod nostri
regnicolae, praecognitis undique stipendiis meritorum,
majoritatem personae in meditationis
trutina, cum [criminis enormitate suspendant:
magnifica beneficia sibi a nostra Majestate
collata, necnon ipsius] enormitatis excessus
ad notitiam praeferri volumus singulorum.
Porro hic est, qui de terra fertilitatis
eductus, caducarum rerum opulentia ad votum
et ultra extitit foecundatus. Quare immoderate
lasciviens animo, qui plerumque
consuevit rebus luxuriare secundis, ministerii
occasione latentis sedulus, de praeconcepto
transgressionis fomite, mortis haustum ei
studuit propinare, a quo multorum salus et
incolumitas procuratur, volens cum homicidio,
immo potius cum homicidiis omnium illorum,
quorum vita dependet a nostra, laesae crimine
Majestatis committere. Unde salubris
provisionis consilio, [nequitiae passus metiendo,
cum passibus pietatis, quod proditorum
delerent genimina, et factionum fluvium desiccaret,
edixit cum consilio] procerum
divino programmate Imperialis excellentiae
magnitudo, ut terras singulas regni nostri cum
impropriis peragat et tormentis ultimum
postremo supplicium subiturus; instar
enim pietatis est, in hujusmodi sceleris correctione