Alme Deus rector, qui terre frena gubernas,
nec sinis absque jugo sedes fluitare supernas,
omnia Pergamee, pie rex, da commoda genti
pestibus ut careant sevis casuque nocenti.
Nam gens ista, tuas leges et jura colendo,
non te deseruit peregrinum dogma sequendo.
Hinc equidem magnam mercedem sepe secuta
hostibus in mediis fuit a discrimine tuta:
namque peregrino vicinia diruta Marte
sepe fuit; stetit hec ulla non territa parte.
Nunc age, largitor cunctorum summe bonorum,
annue me rerum breviter meminisse priorum.
|
1
5
10
|