Adalbertus Samaritanus: Praecepta dictaminum

Pag 55


HE. Cesar Dei gratia Romanorum imperator augustus
cunctis Italie principibus et civitatibus, maioribus et minoribus,
gratiam et bonam voluntatem.
Nosse volumus cunctos populos, quos clementie nostre
regit imperium, nostre imperialis iussionis edictum, videlicet
nos velle et iubere eos per legum tramites incedere, pravorum
hominum iniquitates expellere, quatenus nostri regni status
assidue succrescat et victoria nobis a celesti numine prestita
semper vigeat ac pace reddita cunctus in commune Romanus
orbis gaudeat, ac per hoc imperiali auctoritate vobis precipiendo
mandamus, ut unusquisque vestrum de finibus suis
iniquitatem expellat, invasiones et iniurias corrigat, lites et
iurgia sopiat et ecclesias Dei ante omnia veneretur, summa
cautela et tutela muniat, iudiciali arbitrio cuncta equa lance
disponat. Hoc profecto sollerter exequentes nostre pietatis
mansuetudinem sentiunt, rebelles vero vel negligentes nostri
examinis animi adversionem incurrunt. Valete!
9
Domino et universali patri pape Pascali R. licet indignus
Lucensis episcopus omnimodam reverentiam et apostolice sedi
debitam obedientiam.

Torna all'inizio