mater nostra secundum partem, id est, secundum
hanc praesentem Ecclesiam, quae generat nobis Dei
filios. Et probat quia libera est, nam laetatur; (effectus)
probat quia mater est, nam parit filios: Scriptum est
enim , etc.
43. Libera est . Libera est quia liberae filiae, id est,
gratiae Novi Testamenti, et praedicationis Christi,
quae est mater nostra, quia praedicatores ibi sunt,
qui nos per Evangelium genuerunt.
44. Scriptum est enim . Hoc probat quia libera;
liberorum enim est laetari, servorum vero timere.
45. AUGUST. ( ibid. ) Laetare, sterilis . Coelestem Jerusalem
sterilem vocat Scriptura, quandiu filios in
terra non genuit, quae deserta etiam dicta est, coelestem
justitiam deserentibus hominibus, terrena
sectantibus.
46. AMBROS. Multi filii . Hoc de resurrectione
dictum est. Nos est enim qui resurrectionem assecuti,
ex omni gente sumus, illi vero qui sub lege
sunt, una gens est.
47. AUGUST. ( ibid. ) Quae habet virum , id est, terrena
Jerusalem quae legem acceperat; et ideo coelestem
Jerusalem Sara significat, quae diu deserta
est a concubitu viri, propter cognitam sterilitatem.
48. LANFR. Qua libertate Christus nos liberavit . Ne
putaremus nos naturaliter liberos esse, determinat
ipsam libertatem: qua libertate , etc.
CAP. V.—1. LANFR. Nolite iterum jugo servitutis
contineri . Quia continebimini, si circumcidamini;
dictum est enim. Quia omnis qui sub lege est, servus;
qui autem circumciduntur, sub lege sunt.
2. AUGUST. ( In cap. V ad Gal. ) Nolite iterum .
Quomodo accepturi sumus quod dicit; ne iterum
jugo servitutis attineamini, cum ad eos scribat qui
Judaei nunquam fuerant? Quid aliud hoc loco dicat
gentibus non invenio, nisi ut prosit illis, quod a
servitute superstitionis suae, per fidem Christi liberati
sunt, ne iterum servi esse velint sub observatione
carnalium observationum.
|
|