voluerint, et deberent illi et sui heredes in predictis terris
habitare vel residere, cum familiis et animalibus, et omni causa
sua, et dividant nobiscum ipsa frugia, que inde fecerint, quomodo
hic subter declaramus. cumque taliter inter nos, et omnibus prenominatis
convenisset, et ut conveniencia ista huius libellarii secundum
legem fieret, convocavimus infra nos Adelfrit iudicem, et
subscriptos idoneos homines, qui se nobiscum interesse dixerunt,
sicut in lege scriptum est de conveniencia; et ita firmavimus hunc
libellarium scriptum, iccirco ego iam nominatus Leo abbas una
cum consensu fratrum et subscripcione monachorum, et erga mecum
habendo Petrum notarium, abbocatorem predicti nostri monasterii,
per hunc scriptum libellarium dedi et tradidi vobis omnibus prenominatis
predictam ecclesiam Sancte Marie cum inclitis territoriis
ad predictam ecclesiam pertinentibus, quantum vos, aut vestri
heredes inde iusta racione laborare, et ad cultum perducere
potueritis: in hoc ordine, ut debeatis illas tempore suo laborare,
cultare, seminare, et labores ipsos conciare, metere, et tritulare,
et omnem granum, et ordeum, et milium per singulos annos, dum
ibi habitaveritis, dividatis inter vos, et partem suprascripti monasterii
in decem partes, vos habeatis novem partes, et suprascripto
monasterio detis partem decimam; ibique in suprascripto loco dividere
debeatis; et liceat vobis ibi vineas pastinare, et cunctum
vinum usque in decem annos vestre sit potestatis; post expletos
vero decem annos dividatis cum suprascripto monasterio, quomodo
alii parcionarii dividunt cum suos consortes, qui sunt in eodem
loco Benafro. et quando vos exire volueritis de suprascriptis terris,
liceat vos inde exire cum omni causa vestra, et de commenditis
vestris, et pergere ubi volueritis absque omni contrarietate nostra
et posterorum nostrorum, et debeatis nobis dare de ipsis porcis
escaticum, quomodo dant ipsi homines de Benafro suo domino,
et non habeatis licenciam ire ad iudicium alicuius hominis, sed ad
nostrum, aut inter vos. et non habeatis alium hominem seniorem
|
|