Et eodem anno post dies octo transivit per dictam civitatem Reginam
comes Flandrie cum militia et gente sua. Et eodem anno fuit
magna caristia bladi, ita quod vendebatur in mense Maii et Iunii
sextarius fabe VI solidos imperialium, et milice sextarius III
solidos imperialium et IIII imperialium. Et sextarius spelte vendebatur
II solidos imperialium et dimidium pro communi, et
privatim X solidos rexanorum, et sextarius frumenti vendebatur
XX solidos rexanorum pro communi, et privatim vendebatur
VIII solidos imperialium.
De obsidione et destructione castri Malgrati.
Et eodem anno, in mense Maii, Cremonenses iverunt in exercitum
castri de Malgrato et ibi steterunt tantum, donec ipsum pro
concordia habuerunt, et ipsum castrum destruxerunt et diruerunt.
Quod Mediolanenses Cremam destruxerunt.
Et eodem anno, in mense Iunii, devastata fuit Crema usque
ad foveas a Mediolanensibus. Et tunc erat potestas Mediolani dominus
Robertus de Tripolis, civis Reginus, de Robertis.
De societate iustitie que facta est in Bononia.
Et eo anno facta fuit in civitate Bononie quedam societas,
que vocabatur societas iustitie, et erat valde magna societas de
bonis et melioribus de populo dicte civitatis. Et posuerunt octoginta
de militibus in confinio propter bonum statum Bononie.
Et eodem anno dominus Detus de Cançeleriis de Pistorio fuit
potestas Reginus, per sex menses, a sancto Petro usque ad Kalendas
Ianuarii. Et eo anno dictus potestas ivit in obsidionem castri
de Corvaria, cum militibus et peditibus quarterii de Castello et
de Sancto Nazario, die XXIIa Iulii. Et unus quarterius civitatis
|
|