Ecclesie vel nostra sive nostrorum officialium in causis appellationum
nec appellantem seu appellare volentem, nec notarius qui de appellatione
vocatus fuerit, facere instrumentum directe vel indirecte audeant
in aliquo agravare, nec predicti presumant se aliquo modo
intromittere vel cognoscere de appellationibus ad Romanam Curiam
et nos vel nostram Curiam factis vel faciendis, sed eas defferant reverenter.
Civitas, que contra predicta vel aliquod predictorum fecerit
vel fieri concesserit, in V marchis argenteis et quelibet alia universitas
in C. comes vel baro in C. et quilibet alius in XXV; officialis
vero qui contravenerit in L marchis argenti puniatur et officio suo
privetur; quam penam Camare Romane Ecclesie volumus applicari.
[XIV] Item statuimus quod in causis appellationum ille qui appellatur
ad nos seu Curiam nostram infra XX dies continuos a die
appellationis interposite computandos dictam appellationem coram
nobis seu nostra Curia prosequi teneatur; alioquin sententia rata
maneat, et processus et mandatum sive preceptum factum habeatur,
perinde ac si appellatum non esset; intelligimus autem in hoc casu
aliquam prosequi appellationem, ita demum si infra dictum terminum
super causa appellationis fecerit partem adversam ad iudicium evocari
et se coram nostra Curia presentaverit in termino cytationis predicto.
[XV] Item decernimus et iubemus quod nulla civitas, universitas,
nullus comes vel baro in iurisdictione nobis commissa habeat aliquem
officialem, qui cognoscat de appellatione per viam appellationis vel
exgravamenti seu alio quocumque modo, et si quem habeat infra
X dies a publicatione constitutionis huiusmodi cessare et licentiare
debeat sub pena nostro arbitrio auferendi, et nos ipsum ex nunc ab
offitio removemus et cassamus et quicquid per ipsum factum fuerit,
exnunc pronunciamus esse ipso iure irritum et inanem.
[XVI] Item statuimus quod potestates, vicarii, iudices, notarii
ceterique officiales terrarum iurisdictionis nobis commisse teneantur
et debeant appellantibus vel eorum procuratoribus requixiti ab ipsis
vel ipsorum altero infra tercium diem post requisitionem huiusmodi
omnia acta processuum et sententiam habitum et lectam contra
eos in formam publicam exibere et facere exiberi pro sallario competentiet
omni malitia, subtilitate et fraude remotis; officiales vero qui
contrafecerint et predicta neglexerint adimplere puniendos nostro arbitrio
et nostre Curie reservamus.
[XVII] Item statuimus quod quelibet persona ad Curiam nostram
vocata vel veniens ad eamdem pro quacumque causa secure in persona
|
|