XXXIII.
Post hec autem columba me ducente et cum beato Petro angelis me ducentibus veni
ad primum celum, hoc est aereum. Et dixit michi apostolus: "In hoc primo celo est
stella meridiana et desuper hoc celum est cursus lune, et non inferius, sicut hominibus
videtur, que triginta diebus cursum suum peragit.
XXXIIII.
Secundum dicitur ethereum, ibi est stella Martis.
XXXV.
Tertium sydereum, ubi est stella Mercurii.
XXXVI.
Quartum vocatur orleon, per hoc agit cursum suum sol trecentis sexaginta
quinque diebus.
XXXVII.
Quintum dicitur iunion, in quo est stella Iovis.
XXXVIII
Sextum venustion, ibi est stella Veneris.
|
|