[12]
Et statuimus ut si quis Pistoriensis civis captus vel depredatus
sit ab aliquo vel ab aliquibus personis, maiores Pistorie
consules pro suo posse, sine fraude, personam et avere recuperare
adiuvent.
[13]
Et statuimus ut nostri maiores consules habeant curam et
studium quatinus Pistorienses cives cum eorum bonis secure
possint ire et redire.
[14]
Et statuimus ut si quis de nostris civibus captus vel depredatus
fuerit in aliqua terra, nostri maiores consules tunc requirant
homines illius terre, et post tertiam inquisitionem, si predicta
bona depredata readquirere non potuerint, tenseant bona vel
homines illius terre in tantundem.
[15]
Et statuimus ut nemo capiatur in civitate Pistoria nec in
eius burgis sine iussione maiorum consulum. Et si contra hoc
factum fuerit, consules faciant eum absolvere. Et secundum
quod a consiliariis electis consilium habuerint, faciant et observent.
|
|