minimus quicquid devotionis et reverentie potest»;
vel: «suus per omnia subditus devotus» ; vel: «se ipsum
totum in omni genere devotionis.»
26 Et nota quod non debes ponere hoc nomen `salutem', non ideo
quod non possis facere, quia servus posset optare salutem domino
suo, sed quia reputaretur arrogans.
27 Et nota quod has salutationes minor maiori mittere potest,
mutatis que mutanda sunt convenienter. Monachi autem et viri
religiosi humilitatem ymitantur. Unde sic aliquis abbas episcopum
vel aliquem alium potest salutare:
«Venerabili patri et domino I. Dei gratia Anagnino episcopo,
B. peccator monachus sancti Petri de Villamagna et
abbas licet indignus salutem` cum omnimoda reverentia»;
vel: «salutem cum omnimoda devotione»; vel: «salutem
cum omnimoda subiectione.»
28 Unde clericus sic potest alium salutare. Si fuerit clericus magne
ecclesie debet dicere sic `Dei gratia'
«Prudenti et discreto viro moribus et honestate prefulgido I.
Dei gratia canonico Anagnino, G. Signinus canonicus salutem
cum prosperitatis augmento.»
29 Si vero amicus eius sic dicet:
«Viro venerabili et amico karissimo presbitero B. priori sancti
Petri de Vineis, C. humilis clericus sancti Stephani
de Signia salutem in Domino et sincere dilectionis affectum.»
30 Imperator sic potest salutare aliquem regem, comitem, ducem,
marchionem, et unumquemque suum fidelem: debet premittere
nomen suum cuicumque scribit, nisi quando scribit domino pape
vel alicui regi qui non sit vasallus eius. Sic salutat regem Anglie:
«Illustrissimo viro G. Dei gratia regi Anglie, P. eadem
|
|