[28] Item statuerunt quod omnes illi, qui fuerunt cernuti per consules,
vel per Credentiam, qui debeant ire pro Comune Mergotii, non debeant
recusare, nisi mediante iusto dei impedimento, cognitu consulum: aliter
solvant sibi impoxitam, et nichilominus teneantur ire ad ambaxiatam
sibi impoxitam.
[29] Item statuerunt quod nulla persona debeat ponere aliquam rem in
ecclesiis de Mergotio, neque infra porticos, neque in cymiterio; et qui
contra fecerit solvat pro banno, qualibet vice, soldos viginti imperiales;
et quilibet fidedignus possit accusare: tercia pars accusatoris, tercia pars
consulum et tercia pars Comunis.
[30] Item statuerunt quod nulla persona debeat abevarare aliquam bestiam
ad fontanam de Cartiono, nec ad fontanam de fossato de porta
superiori; et qui contrafecerit solvat pro banno, pro qualibet bestia et
qualibet vice, soldos duos imperiales; et quilibet fidedignus possit accusare:
tercia pars accusatoris. Aditum quod, sub pena predicta, nulla possit
abluere pannos, bugatam, herbas, nec aliqua alia bruta; quoque hoc
statutum locum habeat et Brachium.
[31] Item statuerunt quod nulus porcus, sive porca, debeat ire per
locum Mergotii; et qui dimiserit ire suos porcos per dictum locum, solvat
pro banno, qualibet vice, imperiales vi, postquam porcarius venerit
extra.
|
|