quia tunc vincit Christianus, cum perdere putatur,
et tunc perdit perfidia, cum se vicisse
gratulatur.
12. Nihil enim minus . Supra modum dicit, sicut
quibusdam videbatur. Nam et hoc erant, quod et
apostolus Paulus.
13. LANFR. Tametsi nihil sum . Quamvis secundum
quorumdam stultorum opinionem, nihil sum, ea
tamen feci super vos quae solent apostolum designare.
Omnem patientiam inter vos habui, signa et
prodigia et caeteras virtutes, cum opus fuit, feci.
Distat autem inter signum, et prodigium et virtutem.
Signum genus est prodigii. Virtus genus est
utriusque. Virtus potest vocari omne miraculum;
signum illud tantum quod in quocunque tempore
aliquid significat; prodigium quod in futuro
tantum.
14. Quid est enim . Superiorem sententiam probat.
Nihil minus feci , etc. Quasi dicere [ f . diceret]: Per
hoc liquet me nihil minus fecisse aliis apostolis, quia
vos nihil minus habetis quam aliae Ecclesiae quae
instructae sunt ab illis; quales enim sint magistri,
probant discipuli, sicut omnia quae sine se esse non
possunt.
15. AMBROS. Quid est enim . Ostendit non minus
illos, sed amplius, quod gratis illis Evangelium
praedicaverit quod nonnullis Ecclesiis concessum
est, dicente Domino: Dignus est operarius mercede
sua .
16. Donate mihi hanc . Omnis stultus boni est
accusator. Ut hos ergo imperitos ostendat, veniam
ab eis postulat ejus facti de quo laude dignus est.
|
|