deinde in Regio, exinde in Mantua et Monte Silicis, et universum
exarchatum Ravennatem sicut antiquitus erat, atque provincias
Venetiam et Histriam, et cunctum ducatum Spoletanum,
et Beneventanum. huius etiam temporibus Leoninus consul
et dux monachus factus tres uncias massę Aretianę, quibus parentum
fruebatur hęreditate, decimo sexto miliario ab Urbe via Ardeatina,
Beato Petro apostolo perenniter concessit permanendas.
Hęc iccirco omnia brevi stilo ex sanctorum scriptis autenticorum
auctoritatibus decerpere studuimus, ut veridica relatione
ostenderemus omnes pontifices Romanę Sedis imperiali edicto
post electionem semper confirmatos, et Italiam totam semper
habuisse imperatorios procuratores, rectores, patricios, exarchos
et duces qui imperatoria iura et rempublicam potentissime possidentes
defenderent, dominiumque Italicum optinerent in omnibus
constantissime usque ad tempus Pipini regis Francorum,quem Stephanus
papa secundus apud Parisium coronavit et unxit cum duobus
filiis suis, circa annum incarnationis dominicę septingentesimum
quinquagesimum quartum. nam dominicę incarnationis anno
septingentesimo septuagesimo quarto Carolus Pipini filius et rex;
Francorum et patricius Romanorum Ticinum civitatem obsidens,
Desiderium regem comprehendit secumque Franciam deportavit,
suęque potestati cunctum regnum Longobardorum subiugavit.
a tempore itaque beati papę Silvestri, qui sedit pene incarnationis
dominicę annum tercentesimum trigesimum quintum, usque
ad tempus Adriani pontificis pręsulantis circa dominicę incarnationis
annum septingentesimum septuagesimum secundum, cuius
anno tertio prędictus Karolus regis Francorum Pipini filius Romanorum
imperator est factus, computantur anni fere quatuorcenti
triginta septem. et a tempore Adriani papę usque ad
tempus Gregorii septimi papę, qui contra H[einricum] tertium
Romanorum imperatorem scandalum nisus est sanctę Dei Ecclesię
suscitare, sunt anni plus minus tercenti viginti duo. In
quibus omnibus temporibus nemo, ni fallor, pontificum legitur
|
|